Сәүдәсез тормыш бармый

Бүген Уфа шәһәренең "Торатау" конгресс-холлында "Сатып алулар-2023" төбәкара конференциясе үтә. Анда сатып алу процедураларын гамәлгә ашырганда яңалыклар һәм үзенчәлекләр, аларның законлы көйләнүе, практикасы һәм үсеш перспективалары карала.

Чара башланыр алдыннан матбугат конференциясе узды. Анда массакүләм мәгълүмат чаралары вәкилләре БР Конкурентлык сәясәте буенча Дәүләт комитеты рәисе Гөлшат Арыслановага, «Сбербанк-АСТ» акционерлык җәмгыяте генераль директоры урынбасары Юлия Обаляевага, «Фабрикант» электрон сәүдә мәйданчыгының коммерция директоры Максим Кулешовка сораулар бирделәр.

Конференцияне оештыручы булып “Фабрикант” һәм “СберА” электрон сәүдә мәйданчыклары катнашлыгында конкурентлык сәясәте буенча Башкортстан Республикасы Дәүләт комитеты тора. Чарада Русия Федерациясенең 16 субъектыннан сатып алулар өлкәсендә төбәк вәкаләтле органнар җитәкчеләре катнаша.

«Сатып алулар-2023 " конференциясе үз мәйданчыгында 500дән артык катнашучыны – заказчыларны, тәэмин итүчеләрне, экспертларны, сатып алулар өлкәсендә төбәк вәкаләтле органнар вәкилләрен контракт системасы өлкәсендәге яңалыкларны тикшерү өчен берләштерәчәк.