Чыгымнарыңны кире кайтар

“Минем экспорт “ платформасында 2023 елның 19 гыйнварында Русия экспортерларының авыл хуҗалыгы һәм азык-төлек продукциясен транспортировкалауга киткән чыгымнарын өлешләтә каплау өчен гаризалар кабул ителә башлый. 2022 елның 3 һәм 4, 2023 елның 1 һәм 2 нче  кварталларында агросәнәгать товарларын транспортировкалаучылар чыгымнарының 25 процентын кире кайтара ала. Бу ярдәм чарасын РФ Авыл хуҗалыгы министрлыгы белән “Русия экспорт үзәге” оешмасы оештыра.

• 2022 елда 400 мең тонна авыл хуҗалыгы продукциясе экспортка озатылды, - дип бәян итте Башкортстан Республикасы авыл хуҗалыгы министры Илшат Фазрахманов. – Бу – 280 миллион АКШ доллары. Экспортның 75 процентын май продукциясе тәшкил итә. Калганнары – орлык, спирт, бал, бодай, сөт һәм ит продукциясе. Төп илләр – Иран, Төркия, Казахстан, Кытай, Беларусь һәм Үзбәкстан. Киләчәктә экспортка чыгарылучы товарларның күләмен һәм географиясен арттырырга планлаштырабыз.

Субсидиягә гаризалар 19 гыйнварда 9 сәгатьтә (Мәскәү вакыты белән) башлана һәм 2023 елның 1 ноябренә кадәр дәвам итәчәк.

Чыганак: pravitelstvorb.ru