Балны һәркем ярата

БР Хөкүмәтендә үткән киңәшмәдә вице-премьер, Башкортстан Республикасы авыл хуҗалыгы министры Илшат Фазрахманов шушы хакта сөйләп үтте.

• Бу чаралар субсидия һәм грант формасында түләнде. – диде ул. – РФ Президентының май указларына ярашлы кабул ителгән “Кече һәм урта эшкуарлыкны үстерү” милли проекты кысаларындагы “Агростартап” программасы буенча биш умартачы 13 миллион сум грантка ия булды. Дүрт умартачыга 1,3 миллион сум субсидия бирелде (субсидияне авыл хуҗалыгы кооперативы әгъзалары алала). Шулай ук, былтыр 5 умартачыга җиһазлар алган чыгымнарын капларга 200 мең сум бирделәр.

Башкортстан Русиядә бал җитештерү буенча лидер булып тора. Былтыр республикада 6,7 мең тонна бал җитештерелгән, Русия базарында ул 10 процентны алып тора. Республикада 12 мең кеше умартачылык белән шөгыльләнә, алар 300 мең бал кортлары гаиләсен карый. (2021 ел белән чагыштырганда 4 процентка күбрәк). Умарталарның 90 проценты шәхси хуҗалыкларда тотыла.

Һәм шунсы: 2023 елда республика бюджетыннан 20 миллион сум акча кыргый умартачылыкны үстерү өчен бүленгән.

Чыганак: pravitelstvorb.ru