Тагын хаклар артты...

Торак-коммуналь хуҗалыгы хезмәтләре өчен тарифлар 1

декабрьдән тагын күтәрелде. РФ Хөкүмәтенең 2022 елның 14

ноябрендә дөнья күргән 2053 санлы карары нигезендә

коммуналь хезмәтләргә түләү уртача 9 процентка арта.

   БРның тарифлар буенча дәүләт комитеты аңлатуынча,

билгеләнгән индекс һәр күрсәтелгән хезмәткә карап үсәчәк. Бу –

гражданинның ай саен алган коммуналь хезмәтләре тупланмасы

өчен максималь арту .

   Гамәлдә хаклар арту түбәндәгечә булачак: электр энергиясен

куллану башкортстанлылар өчен уртача 9 процентка, газ өчен 8,5

процентка артачак. Су белән тәэмин итү, су түгү, җылыту, чүп

чыгару хезмәтләре өчен дә түләү күтәрелә. Ләкин, гомум алганда,

бар күрсәтелгән хезмәтләр өчен түләү 9 проценттан артмаячак.

БРның тарифлар буенча дәүләт комитеты белдерүенчә, РФ

хөкүмәтенең тарифларны индексацияләү вакытын 2023 елның 1

июленнән 2022 елның 1 декабренә күчерүе – илдә торак-

коммуналь хезмәтләр инфраструктурасының өзлексез эшләвен

тәэмин итү һәм бу тармакны үстерү, халыкка сыйфатлы коммуналь

хезмәтләр күрсәтү максатында эшләнә.

   Мондый карарга ярашлы, тарифлар киләсе ел ярым дәвамында

– 2024 елның 1 июленә кадәр – индексацияләнмәячәк.

Фото: mk.ru