Башкортстанда инвесторларга элеватор төзергә тәкъдим иттеләр

Башкортстанны үстерү корпорациясе инвесторлар өчен Федоровка районында 24 тонна ашлык саклауга исәпләнгән элеватор төзү буенча яңа бизнес-тәкъдим әзерләде. Инвестицион проектны тормышка ашыруга тәкъдим ителә торган бюджет 310,80 млн сум тәшкил итә, предприятиедә 35 яңа эш урыны булдырыла. Проектны тормышка ашыруның планлаштырылган вакыты – бер ел.

- Башкортстан – авыл  хуҗалыгы өлкәсендә Русиянең иң уңышлы үсеп килүче төбәкләренең берсе. Статистика мәгълүматларга караганда, 2022 елда республикада чәчү мәйданы якынча 3000 гектар тәшкил иткән. Әйтик, проектны гамәлгә ашыру мәйданчыгы булган Федоровка районындагы авыл хуҗалыгы җирләре мәйданы 139 мең гектар тәшкил итә, шуларның күбесе – сөрү җирләре, - дип билгеләп үтте Башкортостан Республикасының Үсеш корпорациясе генераль директоры Наил Габбасов. - Кызыксынган инвесторга кирәкле җиһазларның концепциясе, исәп - хисаплары һәм исемлеге турында уйланырга кирәкми – болар  барысы да тәкъдим ителгән бизнес-тәкъдимдә күрсәтелгән.

Элегрәк, Башкортстан Башлыгының оператив киңәшмәсендә төбәктә  җыелган уңышны саклау өчен куәтле элеватор җитми дип әйтелгән иде. Шуңа бәйле рәвештә, республикада ашлык саклаугычлар  санын арттыруга ихтыяҗ туды.