Республика икътисадының киләчәген кайгыртып

Башкортстан Хөкүмәте Премьер-министры Андрей Назаров рәислегендә 2023 елга, 2024 һәм 2025 елларның план чорына һәм 2036 елга кадәр республиканың социаль-икътисади үсеш фаразының төп параметрларын карау буенча Стратегик комитет утырышы узды. Стратегик комитет утырышында макроикътисади фараз турында фикер алыштылар

- Безнең илдә икътисадны үстерү траекториясенең уртача сроклы перспективада волатильлекнең югары дәрәҗәдә булуы белән характерлануын исәпкә алып, төп бурыч - фаразны эшләүгә аерым җаваплылык белән якын килү, - дип билгеләде Премьер-министр.

Андрей Назаров ассызыклаганча, моңарчы күрелмәгән санкцияләр басымы нәтиҗәсендә барлыкка килгән чикләү чараларының тискәре нәтиҗәләрен бетерергә кирәк булачак. Шуңа бәйле рәвештә, проектны актуальләштергәннән соң, «Башкортстан Республикасы социаль-икътисади үсешенең 2024 елга кадәр стратегик юнәлешләре турында» Башкортстан Республикасы Башлыгы Указы һәм республиканың социаль-икътисади үсеше стратегиясе кебек стратегик документларның максатчан параметрларын синхронлаштыру мөһим.

Фаразны карау алдыннан Башкортстанның социаль-икътисади үсеш өлешендә узган биш айда ирешелгән нәтиҗәләре бәян ителде.

Чыганак:pravitelstvorb.ru

Фото:pravitelstvorb.ru