Халыкара хезмәттәшлек ныгый

17 июньдә, Санкт-Петербург халыкара икътисади форумы кысаларында, Башкортстан Башлыгы Радий Хәбиров белән Казахстан президенты Касыйм-Җомарт Токаев арасында очрашу булды. Республика хөкүмәтләре әгъзалары катнашлыгында алар сәүдә, икътисади, сәнәгать, инвестицияләр, мәдәни һәм гуманитар өлкәләрдә Казахстан һәм Башкортстан арасындагы хезмәттәшлекне тагын да ныгыту чаралары турында сөйләштеләр. Касыйм-Җомарт Токаев Башкортстанның Казахстан һәм Русия Федерациясе арасында стратегик партнерлыкта аерым урын алып торуын ассызыклады.

Күптән түгел Казахстан башкаласында яхшы очрашу үткәрдек. Хезмәттәшлеккә билгеле этәргеч бирелде. Без, әлбәттә, Казахстан һәм Башкортстан арасында бизнес хезмәттәшлеге ягыннан конкрет проектлар булдыру һәм үстерү белән кызыксынабыз. Мин сезнең бизнес оешмаларын, дәүләт компанияләре җитәкчеләрен Казахстанга чакырам. Без алар өчен барлык шартлар тудырачакбыз. Хәзер без чит ил икътисады активлыгын көчәйтәбез. Бу уңайдан, Русия Федерациясенең субъектлары белән хезмәттәшлек аеруча мөһим. Монда, Санкт-Петербург халыкара икътисади форумында безнең вәкилләр киләчәккә проектлар күрсәтәчәк. Безнең зур делегация килде. Монда министрлар, дәүләт компанияләре башлыклары һәм үсеш фондлары бар. Шуңа күрә безнең кызыксынуларыбыз ачык. Әгәр сезнең яктан кызыклы проектлар тәкъдим ителсә, Башкортстанның сәнәгать потенциалын исәпкә алып, без яхшы эш башкарырбыз дип ышанам, - диде Казахстан президенты.

2021 елның көзендә Казахстанга баруыбызны һәм рәсми делегациябезне җылы каршы алуыгызны әле дә хәтерлибез. Шуңа күрә без - Башкортстан - Казахстан бизнесы белән эшне дәвам итү өчен бик көчле ниятләр белдерәбез. Безнең өчен бу бик мөһим. Без бу вакыт аралыгында тик тормадык. Казахстанга сәфәр барышында безнең делегация без тормышка ашырган берничә килешү төзеде. Беренчедән, без мөнәсәбәтләрнең инфраструктурасын булдырдык, чөнки бу Казахстан һәм Башкортстан бизнесы арасындагы мөнәсәбәтләрнең яңа туры. Без эшче төркем булдырдык һәм 2022 елның гыйнварында аның киңәшмәсендә хезмәттәшлекне үстерүнең актуаль проблемалары турында сөйләштек. Сәүдә әйләнеше елдан-ел үсә бара дип әйтәсе килә. Хәзерге вакытта Казахстан белән Башкортстан арасында сәүдә әйләнеше якынча 430 миллион доллар. Безнең тагын да үсеш перспективабыз бар һәм без аны тормышка ашырырга тиеш дип саныйм, - диде Радий Хәбиров.

 Чыганак:glavarb.ru

Фото:glavarb.ru