Сибайда тантаналы рәвештә Инвестсабантуй ачылды

Бүген, 3 июньдә, республиканың Сибай шәһәрендә “Урал аръягы-2022” Бөтенрусия инвестиция сабантуе тантаналы ачылды. Кунакчыл Башкортстан җирендә форумга җыелучыларны Башкортстан Башлыгы Радий Хәбиров сәламләде:

 - Хәерле көн, дуслар! Хөрмәтле кунаклар һәм коллегалар! Сибай дүртенче тапкырга  “Урал аръягы-2022” Бөтенрусия  инвестиция сабантуен кабул итә. Ихлас күңелдән илнең 21 төбәгеннән, 10 дәүләттән  килгән кунакларны сәламлим. Димәк, безнең форумга кызыксыну елдан-ел арта. Без – ышанычлы һәм көчле партнер.  Бу чара – Башкортстан үсешендә мөһим адым. Мин биредә катнашучыларның үзләренә яңа партнерлар табуына ышанам, - диде төбәк Башлыгы.