“Бу республика өчен мөһим проект”

Бүген Сибайда “Урал аръягы-2022” бөтенрусия инвестиция сабантуенда Башкортстан Республикасы Хөкүмәте һәм “ИнгФуд”  компаниясе арасында  килешүгә кул куелды. БР Хокүмәте Премьер-министры Андрей Назаров документка кул кую тантанасында катнашты.

Предприятие борчакны тирәнтен эшкәртү буенча яңа, заманча, югары технологияле,  җегәрлеге елына 50 мең тонна булачак җитештерү линиясе төзү проектын гамәлгә ашырырга планлаштыра.

- Бу республика өчен бик мөһим проект, - дип билгеләп үтте Андрей Назаров килешүгә кул кую нәтиҗәләре буенча. - Аны гамәлгә ашыру нәтиҗәсендә Башкортстанда авыл хуҗалыгы продукциясен тирәтен  эшкәртү буенча уникаль җитештерү  барлыкка киләчәк. Бу, һичшиксез, төбәктә үсемлекчелекне үстерүгә, аерым алганда, борчак кебек традицион культураны үстерүгә яхшы этәргеч бирәчәк. 5 млрд. сумлык проект Нефтекама территориясендә тормышка ашырылачак. Ул 100дән артык яңа эш урыны булдырырга мөмкинлек бирәчәк.