Хаклар артып тора

      Гыйнварда товарларга һәм кайбер хезмәтләргә хаклар 1,2 процентка артты, дип хәбәр итә Башкортстанстат.

     Бигрәк тә азык-төлеккә хаклар күтәрелде – 1,9 процентка. Азык-төлек булмаган товар бәяләре дә калышмый – алары 0,8 процентка артты. Хезмәтләр – 0,6 %ка.

    Кишер, кәбестә, кыяр һәм помидор хаклар арту буенча лидерлар – сатып алучылар хәзер бу яшелчәләр өчен 11,8-36,8%ка  күбрәк түли. Көн саен диярлек ашала торган бәрәңге дә кыйммәтләнгән - 4,8%ка. Башка азык-төлекләргә бәяләр арту түбәндәгечә:

• Җиләк-җимешләргә – 3,1%ка;
• Яшел тәмләткечләр, суган һәм кишергә – 3-6,4%ка;
• Акмайга – 2,6%ка;
• Шикәр комына – 2,3%ка;
• Сөт ризыкларына – 2,1%ка;
• Сыер итенә – 1,5%ка;
• Колбасага – 1,4%ка.

     Аның каравы, апельсин хаклары 9,9%ка, йомырка – 8%ка, тавык ите – 3%ка, кекслар, чәй һәм какао 1-7%ка төшкән.

     Гыйнварда хаклар арту буенча Башкортстан Идел буе федераль округында 4нче урында тора.

Фото: yandex.ru