Язгы кыр эшләренә дә күп калмады

Аскын районының авыл хуҗалыгы продукциясе җитештерүчеләренә нинди ярдәмгә өмет итә алулары турында атна саен уза торган оператив киңәшмәдә  “Авыл хуҗалыгы кооперациясе үсеше һәм фермерларга ярдәм күрсәтү системасы булдыру” проектын гамәлгә ашыру ( Владимир Путинның 2018 елгы май указларына ярашлы булдырылган “Кече һәм урта эшкуарлыкка ярдәм күрсәтү” милли проекты) кысаларында  хәбәр ителде.

Быел авыл хуҗалыгына ярдәм күрсәтү кысаларында республика бюджетыннан 4 318,7 млн сум акча бүленәчәк. Техника һәм корылмалар сатып алуга – 2,3 млрд. сум, 2021 елда бу сан түбәнрәк иде – 1,6 млрд. сум. Минераль ашламаларга субсидияләр 300 млн.сум тәшкил итәчәк.

-Аз булмаган чыганаклар салынган. Безнең аграрийларга финанслауга өмет итәр өчен заявка документациясен тутыруга әзерлек башларга кирәк инде, – диде район хакимияте башлыгының беренче урынбасары, авыл хуҗалыгы бүлеге начальнигы  Рамил Харрасов.

Доклады белән чыгыш ясаганда Рамил Наил улы шулай ук  авыл хуҗалыгы продукциясен җитештерү  комплексына дәүләт ярдәме программаларына тукталып үтте.  Алар барлыгы 7. Моннан тыш РБ һәм РФ юнәлешләре һәм ставкалары буенча субсидияләр каралган. Рамил Харрасов авыл хуҗалыгына ярдәм күрсәтү темасы буенча тиздән район агрономия конференциясе узачагын билгеләде. 

Чыганак: askino.bashkortostan.ru