Казахстаннан килгәннәр

Бүген, 11 октябрьдә,  Республика белән идарә итү үзәгендә  төбәк Башлыгы Радий Хәбировның  Казахстан кунаклары белән очрашуы үтте. Делегацияне Кахастан республикасының сәүдә һәм интеграция министры Бахыт Солтанов һәм Көнбатыш-Казахстан өлкәсе акимы Гали Искалиев җитәкләделәр.  Очрашуда катнашучылар “Евразия икътисади үзәге” комплекслы инвестицион проекты перспективалары  һәм  Башкортстан белән Казахстан төбәкләре арасындагы сәүдә-икътисади икеяклы бәйләнешләрнең арытаба үсеше сораулары хакында фикер алыштылар.

– Башкортстанның тышкы икътисади элемтәләр өлкәсендә Казахстан белән хезмәттәшлек итү өстенлеклеләрдән санала. Казахстан партнёрлары белән тыгыз элемтәдә тору матур традициягә әйләнүенә мин бик шат. Безнең очрашулар һәрчак дустанә атмосферада уза, – дип ассызыклады Радий Хәбиров. – Күптән түгел республикабыз делегациясе Казахстанда булып кайтты һәм кыска срокларда хезмәттәшлек итүне үстерү турындагы документларны әзерләде. Арытаба да шулай җабердәм булып, тиз эшләсәк, хезмәттәшлегебезне моңарчы ирешелмәгән биеклеккә күтәрә алачакбыз”.

Чыганак: glavarb.ru