Башкортстанда уртача хезмәт хакы күпме?

Башкортстан хезмәт хаклары буенча, Русиядә 33 урында тора.

Моны РИА Новости агентлыгы рейтингында күрергә була. Башкортстанда иң киң таралган хезмәт хаклары 18- 41 мең сум тәшкил итә. Республикада эшләүче халыкның 3 проценты гына аена, 100 мең сумнан артык хезмәт хакы ала. Республиканың 13,4 процент халкы 15 мең сумнан кимрәк хезмәт хакына эшли. Русиянең алты төбәгендә (Чукотка, Ямал-Ненец һәм Ненец автономияле округлары, Мәскәү, Мурманск һәм Сахалин өлкәләрендә) һәр бишенче кеше,100 мең сумнан артык хезмәт хакы алалар. Ил буенча уртача хезмәт хакы 20 меңнән 52 мең сумга кадәр, дип күрсәтелә.