Тыелган азык-төлекне юкка чыгаралар

Русия хөкүмәте илгә кертү тыелган продукцияне юкка чыгару кагыйдәләрен озайтты. Озайту вакыты 2020 елның 31 декабренә кадәр дип билгеләнгән.

Хәтерегездә булса, ил җитәкчесе Владимир Путин азык-төлек санкцияләренә тап килгән чит ил продуктларын Русия территориясендә юкка чыгару турындагы указга кул куйган иде. Документ 2015 елның 6 августыннан эшли башлады.

Бүгенге көндә АКШ, Евросоюз, Украина, Канада, Австралия, Норвегия, шулай ук Албания, Черногория, Исландия һәм Лихтенштейннан кергән продукция санкциягә эләгә.