Инвестсабантуй ел саен үтәчәк

Бөтенрусия инвестицияләр сабантуе кунагы, Стратегик инициативалар агентлыгының генераль директоры Светлана Чупшева Урал аръягы форумының ел саен үтәчәген әйтте.

"Инвестсабантуй кебек чарада ел саен очраша, проблемалар һәм мөмкинлекләр турында сөйләшә алабыз. Илебезнең, Сибай һәм Башкортстанның башка шәһәрләре яхшырак була барсын өчен мондый чаралар кирәк. Безнең максат - моның өчен барысын да эшләү. Мин бу мәйданның бизнес, власть, җәмгыять, коммерцияле булмаган сектор өчен диалог булачагына ышанам. Бары тик бергә булганда гына илебезне үстерү буенча глобаль һәм амбициоз мәсьәләләрне хәл итәргә була".