Путин белән Зеленский очрашуының перспективалары нинди?

Чит ил эшләре министры Сергей Лавров белдерүенчә, Русия Президенты Владимир Путин белән Украина башлыгы Владимир Зеленскийның очрашуы турында әлегә сүз бармый.

“Без әлегә Украинаның яңа җитәкчелегенең Минск килешүләренә һәм Русия юнәлешенә ярашлы яңа сәясәте нинди булырын белмибез. Аннан бик анык булмаган сигналлар килә. Мәсәлән, Русия белән сөйләшүләрне тергезер өчен референдум үткәрергәме-юкмы дигән, һ.б”, - диде Сергей Лавров РБК берләштерелгән редакциясенә биргән интервьюда.