Яңа төбәк җитәкчеләре сынатмас

Русия лидеры Владимир Путин төбәкләрдәге башлык вазифаларын вакытлыча башкаручылар элекке җитәкчеләрнең уңышларын үстерер дигән өметтә. Бу хакта ул федерация субъектларының элекке җитәкчеләре белән булган очрашуында әйтте. Путин алар башкарган эшләр өчен рәхмәт сүзләрен җиткерде.

“Үзегездән соң килгән алмашчыларыгызга гражданнар ышанычын аклауда тиешле ярдәм күрсәтерсез дип ышанам... ә иң мөһиме – яңа җитәкчеләр сезнең башлангычларны күз уңында тотып, халык мәнфәгатьләрендә хезмәт күрсәтүләрен дәвам итсеннәр иде”, - диде Президент.