Йөрәктә яман шеш билгеләре

Биттенкурт билгеләп үткәнчә, йөрәктәге яман шеш кан белән тәэмин ителешне боза. Бу исә тын кысылуга китерә, ул физик көч килгәндә дә, тыныч хәлдә дә барлыкка килергә мөмкин, дип ассызыклады табиб.

Тын кысылу симптомы йөрәк-кан тамырлары системасының күп кенә авыруларына хас, шуңа күрә йөрәк рагын диагностикалау кыенлаша, дип искәртте табиб.

Шуңа бәйле рәвештә кардиолог озак вакыт тын кысылудан интегүче, күкрәк авыртуы, йөрәк тибеше ешаю, аяклар шешү, сәбәпсез ябыгу һәм төнге тирләү бергә күзәтелгән кешеләргә тикшеренү узарга киңәш итә.

Чыганак: "Интертат".

Фото: Башкортстан журналистлары фотобанкы, Айрат Нурмөхәммәтов.