Коллагенның иң бай чыганагы

Бу чыннан да гаҗәеп! Гади генә ярма хатын-кыз организмында коллаген җитмәвен тулыландыра һәм аны берничә елга яшьләндерә ала. Тирегез, чәчләрегез, тырнакларыгыз сәламәт һәм яшь булып калыр! Бу ризыкны атнага кимендә бер тапкыр ашагыз — нәтиҗәсенә сокланырсыз!

Арчылган арпа бөртекләрен борынгы Русь заманнарыннан ук **перловка** дип атаганнар. Энҗе сыман ялтырап торганга күрә, бу ярмага елга энҗеләре — *перла* исеме бирелгән. Элек перловка боткасы деликатес саналган, аны бары тик югары катлау кешеләр генә ашый алган. Сөт белән махсус рецепт буенча пешерелгән перловка Петр I нең иң яраткан ашларының берсе булган.
Күп хуҗабикәләр перловканы бушка икенче планга куйган. Чынлыкта исә бу ярмада организмның тулы канлы эшләве өчен кирәкле бик күп файдалы матдәләр бар.

Пешкән перловканы еш кына матурлык боткасы** дип атыйлар. Чөнки нәкъ менә бу ярмада **лизин** аминокислотасы күп — ул коллаген барлыкка килүдә актив катнаша. Ә коллаген, билгеле булганча, тиренең сыгылмалылыгын саклый, җыерчыклар барлыкка килүдән саклый. Шуңа күрә барлык хатын-кызларга да перловка боткасын рационга кертергә кирәк.

Моннан тыш, перловкада В төркем витаминнары, шулай ук А, РР һәм Е витаминнары да бик күп.

Перловка боткасын даими куллану тиренең матурлыгын сакларга гына түгел, ә ябыгырга да ярдәм итә. Ул туклыклы, әмма калориясе аз. Клетчаткага бай, эчәк эшчәнлеген яхшырта, аксым да җитәрлек.
Пешерер алдыннан ярманы яхшылап юарга кирәк. Моның өчен перловканы тирән савытка салыгыз, су өстәп болгатыгыз, бөртекләрне бер-берсенә ышкып юыгыз. Пычрак суны түгегез дә яңадан чиста су салыгыз. Су үтә күренмәле булганчы кабатлагыз.
  Пешерү алдыннан ярманы тагын бер кат юып, салкын суга салыгыз (1 стакан ярмага — 1 литр су) һәм кимендә 4 сәгатькә калдырыгыз.
Перловканы киң кәстрүлдә пешерү яхшырак, чөнки пешкәндә ул күләмен 5 тапкырга кадәр арттыра.

Кирәк булачак:
перловка ярмасы — 1 стакан,
су — 5 стакан,
акмай — 30 г,
тоз — тәменчә.
Әзерләнгән перловканы салкын су белән каплыйбыз, утка куябыз. Кайнап чыккач, әкрен утта 45 минут пешерәбез. Суны түгәбез. Акмай, тоз өстибез, болгатабыз. 10 минутка каплап калдырабыз. Әзер!

РЕЦЕПТ №2

Кирәк булачак:
перловка ярмасы — 1 стакан,
акмай — 1 аш кашыгы,
су,
тоз — тәменчә.

Пешерү ысулы:
Кайнап торган суга перловканы салабыз, 5 минут пешерәбез. Аннары дуршлагка сөзеп алабыз. Кәстрүлгә 3,5 стакан салкын су салып, кайнатабыз. Акмай һәм тоз өстибез. Перловканы салабыз да уртача утта 35 минут пешерәбез. Капкачын ябып, 80 градуска кадәр җылытылган мичкә 1 сәгатькә куябыз. Тәлинкәләргә бүлеп, табынга чыгарабыз.

РЕЦЕПТ №3

Кирәк булачак:
перловка ярмасы — 1 стакан,
су — 1 л,
сөт — 2 л.

Пешерү ысулы:
Ярманы суга салып, төнгә калдырыгыз. Иртән суын түгеп, ярманы юыгыз да җылытып кына җибәрелгән сөт белән каплагыз. Сөтне кайнатканнан соң, кәстрүлне каплап, су мунчасында 3 сәгать пешерегез.

Бу вакыт эчендә ботка ачык беж төскә керәчәк һәм эретелгән сөт тәме алачак. Пешерү озак кебек тоелса да, сезнең катнашу беренче этапта гына кирәк — аннары ботка үзе пешә.

Чыганак: «Сәламәтлек. Киңәшләр».