Яңа йөрәк, яңа бавыр...

Органнарны күчереп утырту борын-борыннан табибларның хыялында яшәгән. Алар күпчелек чирләрне кешенең “тузган” иске органын тик яңага алыштырып кына дәвалап булганын яхшы аңлаган.

   Бүген исә бар дөньяда органнар күчереп утырту эше киң колач ала бара. Бары тик Русиядә генә  орган күчереп утырту буенча  ел саен 1400 операция башкарыла. Шуларның  935е бөерләргә эшләнсә, 164е – үпкәләргә һәм йөрәккә, 272се бавырга туры килә.

   Гомумдөнья күләмендә бу саннар, әлбәттә, зур түгел кебек, чөнки органнар күчереп утыртканны күз дә каш көткән кешеләр һәрчак күбрәк. Мондый операцияләр –иң катлаулылардан санала, авыруга донор табу исә – гаять четерекле һәм авыр чишелә торган мәсьәлә.

Фото: topmedclinic.com