Токсиколог дарулар кабул иткәндә грейпфрутның куркыныч тәэсире турында кисәтте

Токсиколог, фәнни журналист Алексей Водовозов сәламәт яшәү рәвешен үз итүче иптәшләр арасында популяр булган грейпфрут хакындагы кайсыбер нечкәлекләр хакында сөйләде.

Әәгәр ул кайбер дарулар эчкәндә ашалса җитди зыян китерергә мөмкин икән. Бу бигрәк тә курслар белән кабул ителә торган препаратларга кагыла. 

"Грейпфрутның кайбер файдалы флавоноид кушылмалары (мәсәлән, гаҗәеп табигый һәм шуңа күрә дә файдалы кверцетин, аны гадәттә төрле БАД сатучылары тарата), препаратның кандагы концентрациясен кискен күтәрә ала. Даруның "концентраты" канда озакка тоткарлана һәм бу җитди чирләр калкуга һәм хәтта үлемгә китерергә мөмкин", – дип аңлатты Водовозов.

Проблема җиләк-җимешне бер тапкыр куллануда түгел, ә системалы ашаган чакта килеп чыгарга мөмкин булуын да ассызыклады белгеч. Әгәр кеше даруларны атналар буе эчсә, ә көн саен грейпфрут ашаса яки берәр стакан сок эчсә, мәсәлән. Нәкъ менә шул вакытта цитрус куркыныч артык дозага китерергә мөмкин. 

"Әдәбиятта атналар һәм айлар буе кабул ителә торган курс препаратлары өчен проблемалар тасвирланган. Хәтта аритмиядән препарат та кинәт кенә аяныч һәм мәкерле чарага әверелә. Өстәвенә, Torsades de Pointes аритмиясе барлыкка килергә мөмкин, аның турында чыганакларда язылганча - «сирәк, әмма тормыш өчен гарантияләнгән ашказаны аритмиясе", - дип билгеләде табиб.

Юлай НИЗАЕВ.

Фото: tabakovod.ru