Вузара студентлар кампусында онкологлар җыела

Вузара студентлар кампусы, 19-21 май көннәрендә Уфада узачак Русия онкологларының XIII Съезды кысаларында федераль чаралар уздыру мәйданчыгы булачак. Зур һөнәри форумга Ватанның төбәкләреннән һәм чит илләрдән әйдәп баручы онкологлар киләчәк. Алар яман шешне диагностикалау, дәвалау һәм профилактикалау өлкәсендәге соңгы казанышлар һәм иң яхшы тәҗрибәләр турында фикер алышачак.

— Башкортстанда яман шеш авыруының һәр икенче очрагы иртә стадиядә ачыклана. Авыруның башлангыч стадияләрендә диагностика дәрәҗәсе соңгы ун елда 20 процентка арткан. Ярдәм күрсәтүнең сыйфатын яхшырту исән калу күрсәткечләренең артуына йогынты ясады. Бүген, диагноз куелганнан соң бер ел дәвамында вафат булган пациентлар еллар буе яшиләр һәм актив тормыш белән яшәешне дәвам итәләр. Безнең төп бурыч: үлүчеләр санын киметүне дәвам итү. Шуңа күрә характерлы проблемалар турында фикер алышырга, диагностика һәм ле өлкәсендә бердәм алымнар табарга тырышырга кирәк, — дип ассызыклады БР Сәламәтлек саклау министры Айрат Рәхмәтуллин.

Съездның эшлекле программасы темалары төрле локализациядәге онкологик авыруларны диагностикалау, дәвалау һәм реабилитацияләүнең соңгы казанышларын чагылдыра. Онкология хезмәтен, дарулар белән тәэмин итүне һәм паллиатив ярдәмне оештыруның төп аспектлары да әйтеләчәк биредә.

Юлай НИЗАЕВ әзерләде.

Фото: БР Хөкүмәте.