Нигәдер күз тарта...

Редакция почтасына килгән сораулар күптөрле. Шуларның шактые сәламәтлеккә кагылышлы.

   Сорау:

   Бер ай чамасы бар инде, гел генә сул күзем тарта. Башта артык борчымый иде, хәзер торган саен ешая бара. Кул белән ышкып җибәрсәң, беразга үтеп тора, аннан тагын үзен сиздерә. Суыткычта торган “альбуцид”ны салып карадым, һич тә узмый. Бәлки, язын организмга берәр витамин җитешмәүдәндер бу?

                                                   Рания апагыз, Бүздәк районы.

   Җавап:

   Рания апа, күз тарту еш кына нерв системасының бозылуы аркасында килеп чыга, дип аңлата белгечләр.

   Салкын тию, күзләрнең җилсенүе, төрле борчу-стресслар (нервларның артык киеренке хәлдә булуы) кичерү дә күзләребезгә нык тәэсир итә. Ә сез кулланган препаратка килгәндә, күзгә табиб билгеләмәгән даруны салырга һич тә ярамый.

   Сезгә тиз вакыт эчендә районыгыз невропатологына, шулай ук окулистка күренергә кирәк. Алар күз тартуның нидән килеп чыгуын ачыклар һәм дәвалау чараларын билгеләр.

Фото: netoptika.ru