Кан тамырларын чистартабыз

Кан әйләнеше бозылу күп чирләргә китерә.

Умырткалыкның муен бүлегендә кан йөреше бозылганда, остеохондрозда, җәрәхәтләрдән соң, яки муен бүлегенә йогынты ясый торган башка авыруларда бик файдалы бу эш. Җитәрлек дәрәҗәдә туклану алмаган баш мие интегеп эшли.  Баш миенә ярдәмгә халык медицинасында берничә катлаулы булмаган рецепт бар.

1. Берәр стакан суган суты һәм бал алыгыз. Кушып болгатырга кирәк.

Бу катнашманы ашар алдыннан көнгә 3 тапкыр 2шәр балкашык кабып куегыз. Дәвалану курсы -3 ай.

 Бу катнашма баш миенә ярдәм итеп кенә калмый, организмны ныгыта торган өстәмә үзлекләргә дә ия.

2. 10 грамм вакланган әрекмән тамырын термоска салыгыз. Кичтән аның өстенә кайнар су салып, төнәтергә калдырыгыз. Һәр иртә ашар алдыннан 5шәр, күп дигәндә 6шар кашык төнәтмә сыгып эчегез. Дәвалану курс 1,5-2 ай. Аннары ике атналык тәнәфес ясап, тагын бер тапкыр кабатларга.

Әлеге дәвалауны профилактика максатларында да эш көне дәвамында күп утыручы һәм, гомумән, утырып яшәү рәвеше алып барырга мәҗбүр булган, әмма югарыда әйтелгән җәрәхәтләре яки остеохондрозы булмаган кешеләргә үткәрү файдалы.

3. Гранат суты эчәргә тырышыгыз – ул бик яхшы ярдәм итә, шулай ук җиләкләрне күбрәк ашарга: балан, миләш, алма һәм кишер сутларын эчәргә, дөрес тукланырга онытмагыз.

Фото: Пути к здоровью.