Күпме кеше прививка ясаткан?

Бүген үткән атналык оператив киңәшмә вакытында Башкортстан Башлыгы Радий Хәбиров кискен респиратор авыруларга каршы көрәш чаралары турында фикерләрен әйтте.

   -Бүген гриппны искәртү мәсьәләсе аеруча көнүзәк. Вакцина ясату чирдән саклануда төп чара булып тора. Республикада бүген 249 прививка кабинетлары эшли,- диде республика Башлыгы.

   2024 елның ноябрь аена төбәккә 2 миллионлап гриппка каршы вакцина юнәлтелгән, 1,5 миллион кеше прививка эшләтергә өлгергән дә инде.

   Грипп һәм ОРВИ белән авыручыларны дәвалау өчен дәваханәләрдә 1,5 мең койка-урын әзерләнгән.