Йөрү инсульттан соң аякка бастыра!

   Замана зәхмәтенә әверелде бүген инсульт. Элек аның белән өлкән яшьтәгеләр чирләгән булса, бүген инсульт яшьләрне дә аяп тормый.

   Шунысы билгеле, инсульттан соң нормаль тормышка кайту – бик тә озайлы һәм җаваплы процесс. Ә менә галимнәр мондый пациентларга бик тә гади һәм нәтиҗәле ысул тәкъдим итә: ул да булса, көненә ким дигәндә ярты сәгать җәяү йөрү.  Йөрү мондый авыруларга сәламәт яшәү рәвешенә кайтуга һәм озын гомерле булырга ярдәм итә. Иң мөһиме – ялкауланмаска!

   Галимнәр, күпсанлы тикшерүләр үткәреп (анда еллар дәвамында инсульт үткәргән йөзләрчә кешеләр катнашкан), шундый нәтиҗәгә килгән: физик активлык, аеруча җәяү йөрү, бар кешеләргә дә, аеруча инсульт кичерүчеләр өчен, иң файдалысы.

Фото: marathonec.ru