Бәрәңгене күпләп үстерү нигә кирәк соң?

Ул ризык кына түгел, дәва ди бит.

Сугыш елларында ризыкка кытлык булганда, бәрәңге иң мөһим ризык булган. Ә бүген аны без аны ризык буларак та, дәва буларак та кулланабыз.

 Йөргәндә үкчәгез авыртамы, тез буыннары шыгырдыймы? Димәк, буыннарны чистартыр вакыт җиткән. Моның өчен кабыклы бәрәңгене пешергәннән соң барлыкка килгән боламыклы су бик ярап куячак.

Буыннарга тоз утырганда да әлеге кайнатманы эчү зыян итмәс. Артрит белән авыручыларга да иртән ач карынга, көндез һәм кичтән йокларга ятар алдыннан ярты стакан булса да бәрәңге суы эчү файдалы.

 Шулай ук көн саен уртача зурлыктагы 1-2 кабыклы чи бәрәңгене вак угычтан чыгарып ашарга киңәш ителә. Әлеге бәрәңгене салатка, пешкән ашка салып, бүтән яшелчәләр белән ашарга да була. Бәрәңгене ашар алдыннан гына угычтан чыгарырга кирәк. Юкса бик тиз каралачак.

Германия туклану институты галимнәре фикеренчә, пешкән бәрәңге суы тамактан ризык үтмәгән авырулар өчен дә бик әйбәт.

 Бәрәңге суын түбәндәгечә әзерлиләр: яхшылап юылган 1 килограмм кабыклы чи бәрәңгене шакмаклап турыйлар да 3 литр суда 1 сәгать 20 минут пешерәләр. Шуны көн дәвамында эчәләр.

Фото: mixyfotos.ru