"Сәламәт Башкортстан" тематик атнасы старт алды

Анда нәрсәләр тәкъдим ителәчәк?

"Русия" күргәзмә-форумында "Сәламәт Башкортстан" тематик атнасы старт алды. Чарада инде 80 меңнән артык кеше булды. Биредә Башкорт дәүләт медицина университеты (арытаба - БДМУ) делегациясе катнаша.

БДМУ вәкилләре күргәзмә кунаклары өчен осталык дәресләре һәм презентацияләр сериясен әзерләде. Беренче ярдәм күрсәтү буенча осталык дәресендә хезмәттәшләребез «Анна» манекенында беренче ярдәм күрсәтү алымнарын, канны туктатучы жгутлар куеп күрсәтәчәк. Шулай ук, университет табиблары төп эндовидеохирургия күнекмәләре белән уртаклашыр.

Ә БДМУ волонтерлык үзәге вәкилләре үз оешмаларының эшчәнлеген, лапароскопик симуляторда хирург эшен тәкъдим итәчәк һәм эш урынында гимнастика турында сөйләячәк. Студентлар хроник эмоциональ тайпылышларны дәвалауның заманча ысуллары, шулай ук нейропластика нигезләре турында сөйләр.

Моннан тыш, күргәзмә кунаклары "сәламәтлек саклаучы волонтерлар"ының осталык дәресләрендә катнашачак.