Үт куыгы ялкынсынган вакытта нинди яшелчә булыша?

Бакчада тәгәрәп үскән кабакларны кая куярга белмисезме? 

Әрәм итмәгез! Кабак – бар яктап та файдалы. Ә менә «кабак сөте»  үзе бер зур шифа. Ул үт куыгы һәм бавыр ялкынсынганда ярдәм итә, ул вакытта «кабак сөте» эчәргә кирәк.

Аны әзерләү өчен 50 г чистартылган кабак төшенә су (80 мл) һәм шикәр комы (20 г) салып изегез. Аннары файдалы «сөт»не ач карынга эчегез.

Бавырга кабак орлыклары төнәтмәсе дә файдалы. 250–500 г орлыкка 0,5–1 л кайнар су салып, 2 сәгать төнәтегез. Төнәтмәне 1 сәгать дәвамында эчәргә кирәк.

Фото: fermilon.ru, recipe-catalog.ru