Бала корсагында – 10 магнит шары

Уфада табиблар берьюлы 10 магнит шарчыгын йоткан баланы коткарганнар.

БР Сәламәтлек саклау министрлыгында сөйләүләренчә, ашыгыч медицина ярдәме хастаханәсенә өч яшьлек баланың әти-әнисе мөрәҗәгать иткән – сабый эч авыртуына зарланган. Табиблар корсак куышлыгын рентген аша тикшергәннәр һәм анда кечкенә магнит шарлары барлыгын ачыклаганнар.  Нәтиҗәдә, алар баланың эченнән  диаметры 3 миллиметр булган  10 шарны алганнар.

"Магнит шарлары — куркыныч уенчыклар,  - дип ассызыклый белгечләр. – Алар  эчәклекнең төрле урыннарында булып, бер-берсенә тартылалар.  Бу эчәклек элмәкләренең  хәрәкәтләнмәвенә, некроз, перитонит һәм сепсис барлыкка килүенә китерә”.

Чыганак: “Башинформ.