Хәзер әйтеп бирәчәк!

Яңа прибор һавада вирус барлыгын санаулы минутлар эчендә ачыклый.

   Коронавирус чоры һәркемнең күңелендә курку калдырды. Ул вакытта бик күпләребезнең күңеленә: “Бу урында вирус бармы икән, булуын белсәм, аягымны да басмас идем”, дип уйлаган чагы булгандыр.

  Күптән түгел галимнәр, 3 ел буена тырышып, нәкъ менә шул һавада вирусны ачыклау мөмкинлеген бирүче прибор уйлап тапканнар. Тостердан аз гына зуррак күләмле бу аппарат һавада зарарлы коронавирус булу-булмавын 5 минут эчендә белә ала. Прибор озакламый сатуга чыгарылыр дип көтелә.

Фото: rg.ru