Күпме чәч югалтабыз?

Аксыл чәчле кешеләрнең чәч бөртекләре саны кара чәчле кешеләрнекенә караганда күбрәк була, дигән фикергә килгән галимнәр.

   Малайлар чәч бөртекләре саны буенча кызларныкыннан күпкә калышуын да алар ачыклаган (10-12 процентка). Шуңа күрә дә малайлар кызларның чәчләреннән тартып, үзләренә тәм табалардыр инде.

   Кешенең чәч бөртеге 3-4 ел хезмәт итә. Көн саен кеше якынча 45 бөртек чәч югалта. Гомере буена бу сан миллион ярымга барып басарга мөмкин. Тик шунысы тынычдандыра: коелган чәчләр урынына яңалары үсеп тора. Мәсәлән, бер ай эчендә чәчләр 1 см.га үсеп, елына 15-16 см.га җитәләр.

   Кемнеңдер чәчләре – йомшак, ә кемнеңдер каты була. Дөньядагы иң каты чәчле кеше Гиннессның рекордлар китабына кертелгән. Аның чәч бөртеге 170 г. авырлыктагы йөкне күтәреп тора алган!

 Фото: style-adviser.blogspot.com