Бу районнар – кызыл зонада

Соңгы вакытта Башкортстанда кискен респиратор инфекцияләр һәм грипп белән чирләү очраклары арта башлаган.

 Узган атна белән чагыштырганда, чир йоктыручылар саны 1,6 процентка күбәйгән, дип хәбәр итәләр Роспотребнадзор вәкилләре. Ә Хәйбулла, Куергазы, Гафури, Учалы районнары һәм Октябрьский белән Күмертау шәһәрләре “кызыл зонага” кергән.

Ата-аналарга балаларының сәламәтлегенә аеруча игътибарлы булырга кирәк дип кисәтә табиблар. Чир билгеләре булган баланы бакчага яки мәктәпкә җибәрмәү хәерле. Чөнки бүген иң күп авыручылар – балалар һәм үсмерләр. 3тән 6 яшькә һәм 7дән 14 яшькә кадәрге балалар арасында чирләүчеләр саны 13,7 һәм 22,6 процентка арткан.

Сәламәт булыйк, чирләрдән сакланыйк.