Бурычлар тормышка ашырырлык

РФ Дәүләт Думасы депутаты, сәламәтлек саклау комитеты әгъзасы Римма Үтәшева фикеренчә, Радий Хәбиров сәламәтлек саклау һәм медицина мәсьәләләренә зур игътибар бирә.

"Башкортстан Республикасы башлыгы Радий Фәрит улы Хәбиров депутатларга еллык Юлламасында дөрес сүзләр әйтте. Чыннан да, сәламәтлек саклау кеше тормышында аерым урын алып тора. Радий Хәбиров коронавирус пандемиясенең халык һәм табиблар өчен зур сынау булуын билгеләп үтте. Һәм без аны лаеклы үттек.  Республикада модульле һәм мобиль фельдшер-акушерлык пунктлары актив төзелә. Алар иң заманча җиһазлар белән җиһазландырылган. Хәзер фельдшер, телемедицина ярдәмендә, мәгълүматларны табибка, белгечкә җибәрә һәм алардан пациентка квалификацияле диагностика алырга мөмкин», ‒ диде Римма Үтәшева.

Шулай ук Радий Хәбиров сәламәтлек саклау өлкәсендә кадрлар мәсьәләсенә зур игътибар бирә. Башкортстан Башлыгы өчен медицина учреждениеләренең белгечләр белән тәэмин ителеше беренчел дәрәҗәдә.

"Радий Хәбиров беренчел звенога ярдәм итәргә, кадрларны сакларга, яшь белгечләргә хезмәт хакы белән ярдәм итәргә, көнкүреш мәсьәләләрендә ярдәм итәргә кирәклеген берничә тапкыр ассызыклады.  “Сәламәтлек поездлары " апрельдән алып октябрьгә кадәр республиканың барлык муниципалитетлары буенча  йөреп чыга. Кадрлар кытлыгы булган авыл җирлегенә табиблар килә. Бер генә авыл кешесе дә медицина ярдәменнән читтә калмый. Республика җитәкчесе яман шеш авыруларын, йөрәк авыруларын иртә диагностикалауны игътибарсыз калдырмаска, балалар онкологиясе һәм гематология үзәге төзелешен тәмамларга кушты. Бу бурычлар, әлбәттә, мөмкин. Радий Фәрит улы ак халатлыларга  коронавирус чорында фидакарь хезмәтләре, ерак авылларга чыгучы  күчмә бригадалар һәм, әлбәттә , Донбасска үз теләге белән барган медицина хезмәткрләренә  рәхмәт белдерде. Алар бүген безнең яңа төбәкләрдә яшәүчеләргә һәм үз зоналарында сугышчан бурычларны хәл итүче хәрби хезмәткәрләргә ярдәм күрсәтәләр", - дип нәтиҗә ясады Римма Үтәшева.