Баш миенә кан савудан сак булыгыз!

Ел саен 29 октябрь Бөтендөнья  инсультка каршы  көрәш көне буларак билгеләнә. Соңгы берничә елда  бу чир аеруча нык  баш калкыта. Аны  ничек булдырмаска?

Инсульт – баш миенә кан саву дигән сүз. Ул үзаллы күренеш түгел,төп авыруның кискен катлаулануы. Димәк, авырмас өчен иң элек сәбәпче чирләрне кисәтергә һәм дәваларга кирәк.

Ишемик инсультка китерүче чир – атеросклероз. Геморрагик инсультка кан басымының югарылыгы сәбәпче. Шулай ук  баш миендәге кан әйләнешенең бозылуына китергән күп факторлар арасында иң таралганы – тәмәке тарту. Мондый кешеләрдә  инсультка дучар булу куркынычы югары.

Инсультка китергән башка сәбәпләр: аз хәрәкәтле яшәү рәвеше һәм балансланмаган туклану, стресс, алкогольне, тозлы ризыкларны чамадан тыш куллану, гипертония, шикәр диабеты, атеросклероз авырулары. Электән кичергән  баш сөяге-баш мие травмалары һәм нерв системасы авырулары ; электән кичерелгән инсульт һәм башкалар.

Инсультны авыруны булдырмау өчен  табиблар киңәшенә колак салыгыз:

-табибка даими күренегез һәм  диспансеризация үтегез, чара 18 яшьтән 39 яшькә кадәрге гражданнар өчен 3 елга 1 мәртәбә, 40 яшьтән өлкәнрәкләр өчен 3 елга бер тапкыр үткәрелә.;

-даруларны табиб билгеләгән дозада гына кабул итегез;

-яшәү рәвешен үзгәртегез: никотиннан баш тартыгыз, аз холестеринлы азыклар кулланыгыз, хәлегездән килгән кадәр физик күнегүләр белән көн саен шөгыльләнегез, стресс кичермәскә тырышыгыз;

-гади азык-төлек составында булган матдәләр дә инсульт булдырмас өчен ярдәм итә.

Артериаль гипертензия, ягъни, югары кан басымы хәзерге көндә киң таралган авырулар исәбенә керә.Шунлыктан кан басымын даими үлчәү – иң  мөһим диагностикалау чараларының берсе. Ә инде кан басымын үзаллы үлчәү авыру барышын даими контрольдә тотарга ярдәм итәчәк.

Сәламәт булыгыз!

Республика медицина профилактикасы һәм җәмәгатьчелек сәламәтлеге үзәгенең баш табибы Алиса Мамаева.