Сукыр кычыткан (Пустырник)

Икенче төрле аны Арыслан койрыгы, дип тә йөртәләр.

Сукыр кычытканны йөрәк авыруларын дәвалау һәм аны булдырмау өчен кулланыла.

Бу үлән:

- кан басымын киметә,

- тынычландыра,

- баш шаулавын киметә (бетерә), 

- үзәк нерв системасын ныгыта,

- Пароксизмал тахикардия булганда йөрәк мускуллары кысылуын көчәйтә,

- май, углевод һәм аксым алмашынуын көйли,

- кандагы алама холестеринны киметә,

- спазмнар барлыкка килгәндә, көзән җыерганда ярдәм итә,

- метеоризм һәм башка ашказаны-эчәк авырулары вакытында булыша.

Төнәтмәсен болай эшләргә була:

2аш кашыгы кипкән вакланган үләнне 100 мл 70% спиртка салып, 1-2 атна караңгы җирдә төнәтергә. Йөрәк авырулары, неврозларга каршы көнгә 30 тамчы 3 тапкыр эчәргә.

Кан басымын төшерү, тынычлану өчен: 1аш кашыгы коры вакланган үлән өстенә 200 мл кайнар су коеп, 15-20 мин.тотарга. Көненә 3 тапкыр 2 аш кашыгы кабул итәргә. Баш шаулаганда, 1аш кашыгы үләнне 1 стакан кайнар суга салып 1 сәгать төнәтәләр. Көнгә 3 тапкыр ашарга 30 минут кала 1әр аш кашыгы эчәләр. Дәвалану курсы 1 ай.

Шулай ук бәвел кудыручы һәм какырыкны чыгаручы чара буларак та кулланыла. Төнәтмәне сыеграк итеп тә әзерләргә мөмкин. 2 аш кашыгы үләннне, 0,5 литр кайнар суга салып, 2 сәгать төнәтәләр һәм сөзәләр. Көнгә 3-4 мәртәбә 50-100әр г эчәргә. 

Фото: beebazar.ru