Робот массаж да ясый?

   Лондонда үткән күргәзмәдә япон ысулы белән массаж ясый торган машина күрсәтелгән. Машина яныннан кеше бер дә өзелми икән.

    Массаж ясаучы бу корылма карап торышка бик гади генә ди үзе: ике зур “бармак” нәкъ менә кеше тәнендәге кайсыбер нокталарга тәэсир итү өчен җайланган. Мәшина ясаган массаж, җитештерүчеләр әйтүенчә, кешенең сәламәтлеген  һәм кәефен күтәрә, баш авыртуын һәм арыганлыкны бетерә һәм кан йөрешен яхшырта. Шунысы да кызык: массажны машина түгел, ә кеше ясаган кебек тоела икән.

  Хәер, бүген бездә дә массаж ясый торган машиналар сата торган кибетләр күп кенә. Акчасы булган кеше теләгәнен сайлый ала. 

Фото: bor-odin.livejournal.c