Презерватив сату нигә арткан?

Соңгы чорда киң таралу алган санкцияләр аркасында Русия халкы иң мөһим дип саналучы товарларны күпләп сатып ала башлаган.

   Тәү чиратта – даруларны. Шул ук вакытта даруханәләр челтәрләрендә депрессиягә каршы даруларга, тынычландыручы препаратларга һәм... презервативларга сорау нык арткан.

   Алынган мәгълүматларга караганда, мәсәлән, 28  февраль – 6 мартка кадәр арада гына даруханәләр челтәрләре ярты миллионнан артык кап презерватив саткан. Акчага әйләндерсәк – 184,1 миллион сумлык дигән сүз бу. Депрессиягә каршы дарулар аннан да күбрәк табыш китергән – 525 миллион сум.

Фото: gazeta.ru