Әни булу – зур бәхет!

Авырга калу һәм бәби тудыру хатын-кыз гомерендә иң мөһим вакыйгалардан санала. Бу чорда гүзәл зат өчен барсы да үзгәрә, чагу төсләр белән уйный башлый, ләкин... шатлык белән бергә борчылулар да килә. Һәм боларның барсы да авырлы хатынга турыдан-туры тәэсир итә.

   -Әни булу – бәхет” программасы кысаларында Чакмагыш дәваханәсенең хатын-кызлар консультациясендә һәр пәнҗешәмбе көнне Гаилә хезмәте психологы консультацияләр һәм тренинг дәресләре үткәрә, - дип хәбәр итә безгә Чакмагыш районындагы Гаилә хезмәте психолог-медиаторы Гөлшат Якупова.- Анда булачак әниләр үзләрен кызыксындырган сорауларга тулы җаваплар алала, борчылу билгеләрен киметү һәм тудыру алдыннан кәефләр күтәрелсен өчен махсус тренингларда шөгыльләнә.  Шулай ук безнең Гаилә хезмәте халыкка бушлай һәм ирекле рәвештә психолог һәм медиатор хезмәтләрен тәкъдим итә. Кызыксындырган сораулар белән 8 (34796) 3-18-27 телефонына шалтырата аласыз.