Барлык яңалыклар
Сәламәтлек
13 Май , 18:00

"Сәламәт республика-сәламәт төбәк” акциясе маршрутлары

26 мобиль күчмә комплекс һәм 156 белгеч эшли.

"Сәламәт республика - сәламәт төбәк" акциясендә күчмә Сәламәтлек үзәкләре, күчмә флюорографлар һәм маммографлар, күчмә ФАПлар, Г.Г.Куватов исемендәге Республика клиник хастаханәсенең һәм  Республика кардиология үзәгенең диагностика үзәкләре катнаша.  

Табиб  бригадалары составына терапевт, хирург, акушер-гинеколог, онколог, кардиолог, офтальмолог, уролог, невролог, стоматолог, эндокринолог һәм башкалар кергән.

Акциядә республиканың барлык районнары  катнаша: авыл халкы белгечләрдән консультация ала, медицина тикшерүе уза һәм беренчел медицина ярдәме ала алачак.

Акция башланганнан бирле 8 582 кеше  тикшерелде. 6 267 тикшерү үткәрелде, шул исәптән 4 136 флюорография, 2 131 маммография.

Формалаштырылган бригадалар үз эшләрен алты районда график буенча дәвам итә:

- Уфа маршруты үз эшен Кырмыскалы  районында тәмамлый  (16.05-17.05 Бишаулунгар авылында, 18.05-Илтуган авылында, 19.05-20.05 Николаевка авылында);

- Дуван маршруты Кыйгы  районында (16.05-18.05-Абзаево авылында, 19.05-20.05-Леуза авылында) эшне тәмамлый.;

- Нефтекама маршруты Караидел районында эшли башлый (16.05-Подлубово бистәсендә, 17.05-Артакүл бистәсендә, 18.05- Старооткустино  авылында, 19.05-Тайкаш авылында, 20.05- Өреш  авылында).;

- Октябрь маршруты Шаран районында (16.05-18.05 Чалмалы авылында, 19.05-20.05 Сакты авылында) эшне тәмамлый.;

- Стәрлетамак маршруты Ишембай районында (16.05-18.05 Петровский авылында, 19.05-20.05-Макарово авылында) эшли башлый;

- Белорет маршруты  Учалы районында (16.05-18.05-Уральск авылында, 19.05-20.05-Ахун авылында) эшне тәмамлый.

Барлык алты маршрут та график һәм планнарга ярашлы  торак пунктлар буенча хәрәкәт итә. 26 мобиль күчмә комплекс һәм 156 белгеч эшли.

Белгечләргә язылырга кирәкми – кабул итү “тере чират”  тәртибендә алып барыла.

Автор:Руфина Таҗиева
Читайте нас в