Йокы һәм иммунитет

   Безнең организмда йокы һәм иммун системасы арасында ике яклы бәйләнеш яшәп килә. Йокы, мәсәлән, безнең иммунитетта булган бар коралны кулланып, инфекция белән көрәшергә ярдәм итә: йоклаган вакытта чиргә каршы тәнчекләр, саклаучы Т-лимфоцитлар һәм киллер-күзәнәкләр дәрәҗәсен арттыра.

   Әгәр инде чирләсәк, иммун системасы шунда ук постель режимына чакыру һәм вируска каршы күзәнәкләрне активлаштыру өчен йокы системасына тәэсир итә башлый.

   Җитәрлек йокы (7-8 сәгать) табигый киллер-күзәнәкләрне активлаштыра һәм алар яман шеш күзәнәкләренә каршы көрәшә башлый. Бер сүз белән әйткәндә, организмда яман шеш баш калкытмасын өчен иң гади һәм бушлай дару – ул җитәрлек йокы.

   Менә шуңа күрә дә вируслы чирләр чорында без тиешенчә йокларга һәм шуның белән үзебезнең иммун системасына ярдәм итәргә бурычлыбыз.

Фото: rossaprimavera.ru