Антибиотиклар куллану кирәкме?

Язын күпләр, салкын тиюен сизеп алу белән үк, чирдән тизрәк котылам дип, антибиотиклар куллана башлый. Ә бит, белгечләр әйтүенчә, салкын тидерү, грипп яки КОВИД-19 китереп чыгаручы вирусларга алар һич тәэсир итми...

   Антибиотикларны табиблар әгәр ОРЗ һәм ОРВИга бактериаль катлаулану кушылса гына кабул итәргә киңәш итә. Мәсәлән, әгәр урта отит, эренле ринит, стрептококк үпкә ялкынсынуы яки башка бактериаль инфекцияләр китереп чыгара торган чирләр башланса гына. Антибиотик эчәргә кирәклеген бары тик табиб кына киңәш итә ала, даруны үз белдегең белән кабул итү организм өчен хәвефле!

Фото: klinika-dixion.ru