Яман шештән ничек сакланырга?

Лапино-2 онкология үзәге белгече Эльхан Ибраһимов русиялеләргә яман шештән саклану ысулларын ачып салган.

Табиб фикеренчә, яман шешкә каршы бернинди дә махсус диета юк,  диета булган очракта онкология белән авырмаслар иде. Яман шеш барлыкка килү куркынычын тәмәке тарту, алкоголь эчү һәм артыгын ашау кебек начар гадәтләрдән  баш тартканда киметеп була. Моннан тыш, табиб гомумән сәламәтлек торышын күзәтергә киңәш итә. Ибраһимов физик нагрузкалар мөһимлеген дә ассызыклый. Профилактик тикшеренүләр һәм диспансеризация кебек чараларны да онытырга кирәкми.

Онколог сүзләренчә, даими рәвештәге медицина тикшеренүләре ярдәмендә яман шешне иртә стадиядә ачыклаулар 8 тапкырга арткан. Һәркемгә билгеле: яман шешне никадәр иртәрәк ачыкланса, пациентның терелүгә өмете дә шулкадәр зур.  

Чыганак: Lenta.ru