Барлык яңалыклар
Сәламәтлек
13 октябрь , 20:11

Башкортстанда җиде медицина учреждениесе "диетология" буенча лицензия алды

"Диетология" профиле буенча яңа лицензия алучыларның икесе дәүләт, бишесе шәхси оешма.

Башкортстанда җиде медицина учреждениесе "диетология" буенча лицензия алды

"Диетология бердәм лицензияләр реестрында 213 оешма бар, шуларның 7се 2021 елда реестрга кертелде", диде Башкортстан Сәламәтлек саклау министрлыгының лицензияләү бүлеге начальнигы Эльвира Тахаутдинова. Чагыштыру өчен: 2020 елның шул ук чорында 10 оешма бу өлкәдә эшләү өчен лицензия алган. Шуларның өчесе дәүләт һәм җидесе шәхси учреждение.

Диетика, фән буларак, аеруча актуаль булып китте, чөнки утырып эшләү рәвеше, экологик факторлар, сәламәт булмаган диета, сыйфатсыз ризыклар илнең генофондына начар йогынты ясый. Хроник авыруларның тулы исемлегендә төрле яшьтәге симез кешеләр күбрәк. Бу бөтен халык өчен проблемага әйләнә. Әйтергә кирәк, артык авырлык һәм симерү аркасында  бөтен дөнья буенча үлүчеләр саны арта. Бу статистика барлык югары һәм урта керемле илләрне үз эченә ала. Ел саен ким дигәндә 2,8 миллион олылар артык авырлык, яки симез булу белән бәйле авырулар нәтиҗәсендә үлә. Россиядә 30 яшьтән узган халыкның 55% артык тән авырлыгына ия, 26% кеше симез.

Бу уңайдан, хәзерге вакытта дәүләт сәясәтенең өстенлекле юнәлешләре - физик активлыкны арттыру һәм симерүдән саклану өчен кулланылган азык сыйфатын контрольдә тоту.

Башкортстан Сәламәтлек саклау министрлыгы барлык оешмаларга медицина эшчәнлеге өчен лицензия алуда комплекслы ярдәм күрсәтә. Моның өчен консультацияләр һәм лицензияләү хезмәтләрен алуда методик ярдәм күрсәтү өчен "Кайнар линия" булдырылды һәм уңайлыклар өчен, лицензияләү турындагы барлык мәгълүмат министрлыкның рәсми сайтында урнаштырылды.

Шуңа күрә, хәзерге вакытта, медицина эшчәнлеге алып бару өчен лицензияне яңарту 19 көн эчендә әзерләп бирелә, 2011 елның 4 маендагы 99-FZ "Аерым төр эшчәнлекне лицензияләү турында" Федераль закон нигезендә лицензия алу вакыты - 30 эш көне.

Чыганак:pravitelstvorb.ru

Фото: pravitelstvorb.ru

Автор:Фаткуллин Рәдиф