Берьюлы ике операция ясаганнар

“Йөклелек катлаулы узды, өстәмә авырулары да килеп чыкты. Ана һәм туачак сабый гомеренә куркыныч янады. Бәбине тудырганчы пациентка кардиологлар һәм кардиохирругларның җентекле күзәтүе астында булды. Йөклелекнең 29нчы атнасында булачак ананың хәле кискенләште. Консилиумда берьюлы ике операция ясарга дигән карар кабул ителде”, – дип сөйли кардиология диспансерының баш табибы Ирина Николаева.

Беренче операцияне – кесарев кисемен – Республика перинаталь үзәге командасы башкарды. Икенче операцияне – митраль, аорталь һәм трикуспидаль клапаннарны протезлауны– үзәк кардиохирурглары ясады.

“Моңа охшаш операцияләрне республика кардиоүзәге хирурглары көн саен ясый, бу юлы тактиканы хәл итү генә катлаулы булды. Ике гомер өчен дә кайгырдык”, – ди баш табиб.

Яңа туган кызы белән бәхетле ана кардиоүзәктән 26 февральдә чыккан. Сабый арытаба йорт шартларында үсешәчәк.