Трансмай кешелекне бетерерме?

Трансмайлар аз гына күләмдә табигатьтә кайсыбер ит һәм сөт ризыкларында очрый. Ләкин кеше организмына нәкъ менә ясалмалары зур зыян китерә. Алар арзан булулары, озайлы вакыт сакланулары һәм ризыкларга тәмле тәм һәм текстура бирергә сәләтле булулары сәбәпле ризык әзерләү сәнәгатендә киң кулланыла.

Кыздырылган ризыклардан тыш трансмайлар пирожныйларда, пирогларда, туңдырылган пиццада, печеньеда һ.б. очрый. Ясалма трансмайларның аз гына микъдары да йөрәк-кан тамырлары, диабет һәм деменция белән чирләү куркынычын арттыра.