Баш эшләсен һәм авыртмасын өчен нишләргә?

Ми эшчәнлеген тәэмин итү өчен иң беренче чиратта су кирәк. “Безнең организм 60-85 % , ә баш мие 90% судан тора. Шуның өчен су җитешмәгәндә бу иң беренче булып ми эшчәнлегендә чагыла,”- дип хәбәр итә диетолог.

Ми яхшы эшләсен өчен кан әйләнешенең нормада булуы кирәк. Ә моның өчен сосудларның сәламәт булуы мөһим. Аларны омега – 3 майлы кислоталары белән тукландырып торырга кирәк. Бу файдалы элементлар балыкның майлы сортларында, үсемлек майларында , чикләвекләрдә бар.

Болардын тыш, баш миендәге кан әйләнешен С витамины һәм натрий, магний, цинк, тимер, йод яхшырта. Ә алар яшелчә һәм җиләк-җимештә күп.

Диетолог кешеләрнең туклану рационында ит белән сөт тә файдалы дип белдерә.