Барлык яңалыклар
Сәламәтлек
18 июль 2019, 13:41

Пенсиядәгеләр, эшкә рәхим итегез!

Республикада хаклы ялдагы табиблар өчен дәваханә ишекләре ачык - рәхим итеп эшкә килсеннәр.

Бүген медицина учреждениеләрендә табибларга кытлык зур. Шуңа да Белорет район дәваханәсе баш табибының “хаклы ялдагы табибларны эшкә чакырырга” дигән тәкъдимен республика Хөкүмәтендә узган “Сәламәтлек саклау сәгате”ндә хуплап каршы алдылар.
Вице-премьер вазифасын башкаручы Ленара Иванова әйтүенчә, хаклы ялдагы табибларны эшкә чакыру кадрлар кытлыгын өлешчә хәл итәргә булышачак. Ә бу мәсьәлә республикада шактый кискен тора. Баш табибларга мөрәҗәгать итеп, Ленара Иванова болай диде: “Әгәр яшь белгечләр дәваханәдән ярты, бер ел эчендә китәләр икән – уйланырга урын бар дигән сүз. Социаль ярдәмнәрдән тыш, остазлык системасы һәм коллективтагы климат өстендә дә эшләргә кирәк”.
Читайте нас в