Виноградның файдасы нидә?

Җиләк-җимешнең сәламәтлеккә файдалы икәнлеге күптән билгеле. Аеруча олы яшьтәге кешеләргә күрәгә, өрек, йөзем кебек кипкән җимешләрне даими ашарга киңәш ителә.

Ә менә Лондонда дөнья күрә торган “Гардиан” гәзите Франция, Италия һәм Испаниядә яшәүчеләрнең яман шеш авыру белән сирәк авыруларын аларның виноградны күп ашаулары һәм виноград шәрабын күп эчүләре белән аңлата. Андагы “ресвератроль” исемле шифалы матдә шулай ук арахис чикләвегендә дә күп икән.