Көн үзәгендә: Яшь буынга ватанпәрвәрлек тәрбиясе

Уфада «Русия – минем тарихым» тарихи паркы мәйданчыгында «Белем» Русия җәмгыятенең Бөек Ватан сугышында Җиңүнең 80 еллыгына багышланган лекцияләр циклы уза.

Чаралар «Белем» проекты кысаларында оештырылган һәм алар мартта гына Башкортстанның 400дән артык студентын һәм мәктәп укучыларын берләштергән.

— Укучылар тарихи паркның тематик залларында булып, Совет халкына Бөек Җиңүнең нинди бәя белән бирелүен аңлап кына калмыйча, нацист Германиясен җимергән үз иле өчен горурлык та кичерә башлыйлар. 1941-1945 еллар чорындагы мультимедиа контенты яшьләрне алар өчен гадәти булган «цифрлы дөнья» психологик, дидактик һәм методик мохиткә чумдыра. Бөек Ватан сугышы чорындагы тарихи вакыйгаларны мультимедияле визуальләштерү — укучы яшьләрне патриотик тәрбияләүдә, шулай ук бу дәвернең тарихының героик этабы турында объектив күзаллау булдыруда мөһим роль уйный, – дип ассызыклады «Русия – минем тарихым» тарихи паркының фәнни кураторы Рөстәм Хаҗиев.

Юлай НИЗАЕВ әзерләде.